અમદાવાદ: ગુજરાતમાં આજે સ્થાનિક સ્વરાજની ચૂંટણી માટે સવારથી જ મતદાનનો પ્રારંભ થયો છે. જિલ્લા પંચાયતની બેઠકો માટે મતદારોમાં અનેરો ઉત્સાહ જોવા મળી રહ્યો છે. સવારના 7:00 વાગ્યાથી શરૂ થયેલી મતદાન પ્રક્રિયામાં પ્રથમ ચાર કલાક એટલે કે સવારના 11:00 વાગ્યા સુધીના આંકડા જાહેર કરવામાં આવ્યા છે. રાજ્યના વિવિધ જિલ્લાઓમાં સરેરાશ 20% થી 30% ની વચ્ચે મતદાન નોંધાયું છે.
જિલ્લા પંચાયત મતદાન: કોણ આગળ, કોણ પાછળ?
સવારના 11 વાગ્યા સુધીના સત્તાવાર આંકડા મુજબ, સાબરકાંઠા જિલ્લો 30.43% મતદાન સાથે સમગ્ર રાજ્યમાં મોખરે રહ્યો છે. જ્યારે મહીસાગર અને ગાંધીનગરમાં પણ મતદારોનો ભારે ધસારો જોવા મળ્યો છે. બીજી તરફ, ખેડા અને રાજકોટ જેવા જિલ્લાઓમાં મતદાનની ગતિ હાલ થોડી ધીમી જણાઈ રહી છે.
જિલ્લાવાર મતદાનની ટકાવારી (સવારે 11:00 વાગ્યા સુધી):
| ક્રમ | જિલ્લો | મતદાન (%) | ક્રમ | જિલ્લો | મતદાન (%) |
| 1 | સાબરકાંઠા | 30.43% | 13 | અમરેલી | 21.66% |
| 2 | મહીસાગર | 28.23% | 14 | વાવ-થરાદ | 21.38% |
| 3 | ગાંધીનગર | 27.52% | 15 | પંચમહાલ | 21.35% |
| 4 | તાપી | 26.89% | 16 | જામનગર | 21.32% |
| 5 | ગીર સોમનાથ | 26.13% | 17 | મોરબી | 20.94% |
| 6 | નવસારી | 25.41% | 18 | મહેસાણા | 20.83% |
| 7 | વડોદરા | 25.39% | 19 | ડાંગ | 20.77% |
| 8 | અરવલ્લી | 24.64% | 20 | દેવભૂમિ દ્વારકા | 20.27% |
| 9 | નર્મદા | 24.36% | 21 | દાહોદ | 20.21% |
| 10 | પાટણ | 22.83% | 22 | અમદાવાદ | 19.82% |
| 11 | આણંદ | 22.77% | 23 | રાજકોટ | 19.73% |
| 12 | જૂનાગઢ | 22.58% | 24 | ખેડા | 18.56% |
શાંતિપૂર્ણ માહોલમાં મતદાન
રાજ્યભરમાં ક્યાંય પણ અનિચ્છનીય ઘટનાના અહેવાલ નથી અને ચુસ્ત પોલીસ બંદોબસ્ત વચ્ચે શાંતિપૂર્ણ રીતે મતદાન ચાલી રહ્યું છે. વહીવટી તંત્ર દ્વારા વૃદ્ધો અને દિવ્યાંગો માટે વિશેષ સુવિધાઓ ઊભી કરવામાં આવી છે. બપોર બાદ મતદાનની ટકાવારીમાં હજુ મોટો ઉછાળો આવવાની શક્યતા છે.
