ગુજરાતી ફિલ્મ ઉદ્યોગમાં હાલ ‘લાલો કૃષ્ણ સદા સહાયતે’ (Laalo Krishna Sada Sahaayate) ફિલ્મે ઇતિહાસ રચ્યો છે. બોક્સ ઓફિસ પર રેકોર્ડતોડ કમાણી કરીને આ ફિલ્મે માત્ર ગુજરાતી સિનેમા જ નહીં, પરંતુ સમગ્ર ભારતીય બોક્સ ઓફિસ પર પોતાની સત્તા સ્થાપિત કરી છે. ‘લાલો’ હવે ભારતીય બોક્સ ઓફિસ પર આ સપ્તાહના અંતે નંબર વન ફિલ્મ બની ગઈ છે, જે અન્ય ભાષાઓની તમામ ફિલ્મોને પાછળ છોડી દીધી છે.
કમાણીના નવા કીર્તિમાન: ₹50 કરોડનો આંકડો ટૂંક સમયમાં પાર કરશે
ફિલ્મે તેના 5મા વીકએન્ડમાં ₹16.5 કરોડ (ગ્રોસ) નું કલેક્શન કરીને બધાને ચોંકાવી દીધા છે, જેમાં રવિવારે એકલા હાથે ₹8.5 કરોડની અવિશ્વસનીય કમાણીનો સમાવેશ થાય છે – જે ગુજરાતી ફિલ્મો માટે પહેલા ક્યારેય જોવા ન મળેલો આંકડો છે.
બોક્સ ઓફિસ કલેક્શન (31 દિવસ):
વર્લ્ડવાઇડ: ₹32.25 કરોડ
ઇન્ડિયા નેટ: ₹28.94 કરોડ
ઇન્ડિયા ગ્રોસ: ₹32.25 કરોડ
આ કમાણી સાથે ‘લાલો’ 2025 ની સૌથી વધુ કમાણી કરનારી ગુજરાતી ફિલ્મ તરીકે ઉભરી આવી છે અને હવે તે ‘ચાલ જીવી લઈએ’ (₹40+ કરોડ) ના ઓલ-ટાઇમ રેકોર્ડને પણ તોડવાની તૈયારીમાં છે. ફિલ્મના શાનદાર હોલ્ડિંગને જોતાં, તે ટૂંક સમયમાં ₹50 કરોડનો આંકડો પાર કરે તેવી શક્યતા છે.
‘સર્વાઇવલ થ્રિલર’ અને ભક્તિનો સંગમ: પ્રેક્ષકોમાં ભારે ઉત્સાહ
‘લાલો’ એક અદ્ભુત ગુજરાતી ફિલ્મ છે જે થિયેટરોને આનંદના મંદિરોમાં ફેરવી રહી છે. પોરબંદર જેવા સ્થળોએ લોકો એટલા ઉત્સાહિત થઈ જાય છે કે સિનેમાઘરોમાં જ ગરબા કરવાનું શરૂ કરી દે છે!
Met the talented team of #Laalo felt truly proud witnessing such brilliance emerge from the Gujarati Film Industry.
A heartwarming film that beautifully blends the “Survival Thriller” genre with divine elements of Lord Krishna.
? 1st week – 35 lakh
? 2nd week – 30 lakh
? 3rd… pic.twitter.com/0ExImJ5zgg— Harsh Sanghavi (@sanghaviharsh) November 12, 2025
નાયબ મુખ્યમંત્રી હર્ષ સંઘવીએ પણ ‘લાલો’ ની ટીમને મળીને પ્રશંસા કરી હતી. તેમણે ટ્વીટ કર્યું હતું કે, “#Laalo ની પ્રતિભાશાળી ટીમને મળીને ગુજરાતી ફિલ્મ ઉદ્યોગમાંથી આવી તેજસ્વીતા ઉભરતી જોઈને ખરેખર ગર્વ અનુભવ્યો. એક હૃદયસ્પર્શી ફિલ્મ જે ‘સર્વાઇવલ થ્રિલર’ શૈલીને ભગવાન કૃષ્ણના દૈવી તત્વો સાથે સુંદર રીતે મિશ્રિત કરે છે.”
ફિલ્મના કમાણીના આંકડા જોતાં, તેની સફળતા સ્પષ્ટપણે દેખાઈ રહી છે:
1st week: ₹35 લાખ
2nd week: ₹30 લાખ
3rd week: ₹75 લાખ
4th week: ₹14.35 કરોડ
5th weekend: ₹16.50 કરોડ
આ ફિલ્મે ગુજરાતી સિનેમા માટે નવા માપદંડ સ્થાપિત કર્યા છે અને ભવિષ્યમાં આવી વધુ ગુણવત્તાયુક્ત ફિલ્મો બનવા માટે પ્રેરણા પૂરી પાડી છે.
