વડોદરા: કોંગ્રેસ અધ્યક્ષ મલ્લિકાર્જુન ખડગે દ્વારા દેશના વડાપ્રધાન નરેન્દ્ર મોદીના પિતા અંગે આપવામાં આવેલા વિવાદિત અને અપમાનજનક નિવેદનને લઈને દેશભરના રાજકારણમાં ભારે ચકચાર મચી ગઈ છે. આ ગંભીર મુદ્દે પ્રતિક્રિયા આપતા વડોદરા ખાતે ભાજપના રાષ્ટ્રીય યુવા મોરચાના પ્રમુખ ડૉ. હેમાંગ જોશીએ કોંગ્રેસ પાર્ટી અને તેના શીર્ષ નેતૃત્વ સામે આકરા પ્રહારો કર્યા હતા. ડૉ. હેમાંગ જોશીએ આક્ષેપ કર્યો હતો કે કોંગ્રેસ અને તેના સહયોગી પક્ષો દ્વારા લાંબા સમયથી દેશવિરોધી અને વિદેશી તાકાતોના હાથકંડા બનીને દેશમાં અરાજકતા ફેલાવવાનું અને ભારતને તોડવાનું કામ કરવામાં આવી રહ્યું છે, પરંતુ દેશની જાગૃત જનતાએ તેમના આ તમામ કુપ્રયાસોને હંમેશાં નિષ્ફળ બનાવ્યા છે.
ખડગેજી દ્વારા આ હીન અને શરમજનક કૃત્ય કરવામાં આવ્યું : હેમાંગ જોશી
બિહારની એક રેલી દરમિયાન જનતા દ્વારા સ્વયંભૂ “મોદી નહીં જાયેગા” નારા લગાવવામાં આવતા કોંગ્રેસ અધ્યક્ષ મલ્લિકાર્જુન ખડગે માનસિક ફ્રસ્ટ્રેશનમાં આવી ગયા હતા અને તેમણે આપાતજનક સ્થિતિમાં વડાપ્રધાન મોદીના સ્વર્ગસ્થ પિતા વિરુદ્ધ અત્યંત અભદ્ર અને નીચી કક્ષાની ભાષાનો પ્રયોગ કર્યો હતો. આ બાબતની આકરી ટીકા કરતા ડૉ. હેમાંગ જોશીએ જણાવ્યું હતું કે કોંગ્રેસ પક્ષના નેતાઓમાં રાહુલ ગાંધી અને સોનિયા ગાંધીની ગુડબુકમાં આવવા માટે અને તેમની નઝદીકી વધારવા માટે વડાપ્રધાન નરેન્દ્ર મોદી તથા તેમના પરિવાર સામે ગાળાગાળી કરવાની અને અભદ્ર ભાષા વાપરવાની એક પ્રકારની અસ્વસ્થ સ્પર્ધા લાગી ગઈ છે. આ જ રાજકીય અફરાતફરી અને હોડના ભાગરૂપે ખડગેજી દ્વારા આ હીન અને શરમજનક કૃત્ય કરવામાં આવ્યું છે, જે તેમની માનસિકતા દર્શાવે છે.
ભાજપ યુવા મોરચાના રાષ્ટ્રીય પ્રમુખે કોંગ્રેસના આ સ્ત્તરીય રાજકારણ અને ધોરણોની ઘોર નિંદા કરતા કોંગ્રેસી નેતાઓને કડક શબ્દોમાં ચેતવણી પણ આપી હતી. તેમણે સ્પષ્ટ શબ્દોમાં જણાવ્યું હતું કે કોંગ્રેસના નેતાઓ ગમે તેટલા ઓછાં દરજ્જાના નિવેદનો આપી લે કે ગમે તેટલા છાપરાં ફાડી નાખે, પરંતુ વડાપ્રધાન નરેન્દ્ર મોદીએ દેશના કરોડો નાગરિકોના હૃદયમાં જે અદ્ભુત અને અમીટ સ્થાન બનાવ્યું છે તેને કોઈ હચમચાવી શકે તેમ નથી. જો કોંગ્રેસની સાત પેઢી પણ સત્તામાં આવવા માટે અથવા મોદીજીની લોકપ્રિયતા ડામાડોળ કરવા માટે આવા હીન પ્રયાસો કરશે તો પણ મોદીજી ક્યાંય જવાના નથી, કારણ કે જનતાનો અખૂટ પ્રેમ અને વિશ્વાસ તેમની સાથે છે.
ડૉ. હેમાંગ જોશીએ વધુમાં ઉમેર્યું હતું કે ભારતીય રાજકારણમાં હવે વિરોધ પક્ષો જનતાના વિકાસના મુદ્દાઓ પર ચર્ચા કરવાને બદલે માત્ર અને માત્ર વ્યક્તિગત આક્ષેપો અને કીચડ ઉછાળવાની નીચી રાજનીતિ પર ઉતરી આવ્યા છે. કોંગ્રેસના નેતાઓ પીએમ મોદીની અદભુત લોકપ્રિયતા અને જનકલ્યાણકારી કાર્યોથી એટલા ઘેરા હારેલા છે કે તેઓ પોતાની રાજકીય જમીન ખસતી જોઈને ભાન ભૂલી રહ્યા છે. દેશની જનતા વિકાસ અને રાષ્ટ્રવાદના પક્ષમાં મજબૂતાઈથી ઊભી છે, ત્યારે કોંગ્રેસના આવા ઓજસહીન અને મર્યાદાહીન નિવેદનોથી જનતામાં તેમની વિરુદ્ધનો રોષ વધુ વ્યાપક બની રહ્યો છે. વડોદરાના યુવાનો અને સામાન્ય નાગરિકોમાં પણ ખડગેના આ નિવેદન સામે ભારે આક્રોશ ફેલાયો છે અને આગામી સમયમાં જનતા ચૂંટણીના માધ્યમથી તેનો યોગ્ય જવાબ આપશે.
